Пра гэта гаворыцца ў Глабальным дакладзе пра эйджызм, апублікаваным 18 сакавіка.
У дакуменце апісаныя прырода эйджызму, прыведзеныя дадзеныя пра маштаб дыскрымінацыі па ўзросце, а таксама прапанаваныя тры асноўныя стратэгіі дзеянняў па зніжэнні ўзроўню эйджызму.
Калі ўрады, установы ААН, арганізацыі грамадзянскай супольнасці і акадэмічныя і даследчыя ўстановы будуць рэалізоўваць эфектыўныя стратэгіі і ўкладваць грошы ў далейшыя даследаванні, калі людзі і супольнасці будуць далучацца да руху і рэагаваць на кожны прыкладу эйджызму – мы разам створым свет для ўсіх узростаў – гаворыцца ў Дакладзе.
Эйджызм – гэта сацыяльная з’ява, якую Сусветная Арганізацыя Аховы Здароўя вызначае як стэрэатыпы, перадузятае стаўленне і дыскрымінацыю, накіраваныя на іншых альбо на сябе паводле ўзросту.
Стратэгія 1: Палітыка і права
Палітыка і заканаўства на мясцовым, нацыянальным і міжнародным узроўнях павінны быць скіраваныя на папярэджанне і супрацьдзеянне дыскрымінацыі па ўзросце, ліквідацыі няроўнасці і забеспячэння абароны правоў чалавека.
Стратэгія 2: Адукацыйныя мерапрыемствы
Адукацыйныя мерапрыемствы па зніжэнні эйджызму павінны быць уключаны на ўсе ўзроўні і тыпы адукацыі, пачынаючы ад
ад пачатковай школы і да універсітэта, а таксама ў фармальных і нефармальных адукацыйных пляцоўках.
Адукацыйныя мерапрыемствы дапамагаюць узмацніць эмпатыю, развеяць памылковыя ўяўленні і забабоны пра розныя ўзроставыя групы і дыскрымінацыю.
Стратэгія 3: Кантактныя мерапрыемствы паміж пакаленнямі
Такія мерапрыемствы павінны быць накіраваныя на спрыянне ўзаемадзеянню паміж людзьмі розных пакаленняў. Такі кантакт дапаможа зменшыць стэрэатыпы, якія існуюць у дачыненні да розных пакаленняў.
Аўтары дакладу прапанавалі таксама тры рэкамендацыі, выкананне якіх можа зменшыць узровень эйджызму ў свеце:
Рэкамендацыя 1: Укладвайце грошы ў стратэгіі барацьбы з эйджызвам, заснаваныя на фактычных дадзеных. Прыярытэт трэба аддаваць тром апісаным вышэй стратэгіям.
Рэкамендацыя 2: Паляпшайце дадзеныя і даследаванні, каб лепш зразумець эйджызм і спосабы яго зніжэння. Паляпшэнне нашага разумення ўсіх аспектаў эйджызму з’яўляецца неабходнай умовай для зніжэння ўзроўню эйджызму ў адносінах як да маладых, так і да сталых людзей.
Самым галоўным прыярытэтам павінна быць распрацоўка стратэгій па зніжэнні эйджызму. Патрэбна аптымізаваць існуючыя стратэгіі, ацаніць іх кошт і эканамічную эфектыўнасць, а затым удасканаліць іх.
Рэкамендацыя 3: Стварайце рухі, каб змяніць стаўленне да ўзросту і старэння. Мы ўсе павінны адыграць пэўную ролю ў барацьбе з эйджызмам і ліквідацыі яго. Далучацца да гэтых рухаў павінны ўрады, арганізацыі грамадзянскай супольнасці, установы ААН, акадэмічныя і даследчыя ўстановы, прадпрыемствы і людзі ўсіх узростаў.
Поўны тэкст Даклада (па-ангельску) можна знайсці па гэтай спасылцы.
