Карысныя веды і ўменні, абмен досведам, планаванне сумеснай дзейнасці, арыгінальныя інтэграцыйныя мерапрыемствы – усё гэта чакала ўдзельнікаў Акадэміі Лідэраў Залатога Веку, якая працавала 21-23 чэрвеня пад Слонімам.
Удзел у Акадэміі бралі каля 30 чалавек, якія прадстаўлялі ўніверсітэты залатога веку і іншыя грамадскія ініцыятывы для сталых людзей з Гродна, Кобрына, Мінска, Высокага, Бабруйска і Брэсцкага раёна.
Праца Акадэміі распачалася з уводзінаў у праграму і інтэрактыўнага знаёмства.
![Падвучыліся і адпачылі: адбылася першая Акадэмія Лідараў Залатога Веку](https://uzv.by/wp-content/uploads/2019/06/img_7562-e1561459314313.jpg)
![Падвучыліся і адпачылі: адбылася першая Акадэмія Лідараў Залатога Веку](https://uzv.by/wp-content/uploads/2019/06/img_7538-e1561459542937.jpg)
Сур’ёзным выпрабаваннем для ўдзельнікаў стала першае практыкаванне, у час якога неабходна было сумесна спланаваць стратэгію перахода праз “багну”.
![Падвучыліся і адпачылі: адбылася першая Акадэмія Лідараў Залатога Веку](https://uzv.by/wp-content/uploads/2019/06/img_7569-e1561460398817.jpg)
Пасля паспяховага выканання практыкавання адбылася грунтоўная дыскусія пра тое, што такое лідэрства і якія лідэрскія кампетэнцыі варта развіваць у сябе тым, хто займаецца працай па актывізацыі сталых людзей.
![Падвучыліся і адпачылі: адбылася першая Акадэмія Лідараў Залатога Веку](https://uzv.by/wp-content/uploads/2019/06/img_7587-1-e1561549474637.jpg)
Размова ішла пра ўменне пераконваць іншых люзей, слухаць іх пазіцыю, прымаць рашэнні, вызначаць мэты, планаваць сваю працу і г.д.
![Падвучыліся і адпачылі: адбылася першая Акадэмія Лідараў Залатога Веку](https://uzv.by/wp-content/uploads/2019/06/img_7588-1-e1561549611287.jpg)
Першы дзень працы Акадэміі скончыўся блокам з 12 майстар-класаў, якія заявілі самі ўдзельнікі. На чатырох паралельных пляцоўках яны распавядалі пра досвед працы сваіх адукацыйных і культурніцкіх пляцовак, дзяліліся карыснымі ведамі і ўменнямі.
Так, Ірына Богдан з Мінска правяла майстар-клас пра эмацыйны інтэлект, Святлана Красная з Бабруйска размаўляла з удзельнікамі Акадэміі пра “Страхі, якія мы выбіраем”, а таксама пра тое, як спраўляцца з гэтымі страхамі.
![Падвучыліся і адпачылі: адбылася першая Акадэмія Лідараў Залатога Веку](https://uzv.by/wp-content/uploads/2019/06/img_7651-1-e1561549716264.jpg)
Старшыня Рады УЗВ Ларыса Кіркевіч расказвала пра працу самакіравання Гродзенскага УЗВ, а таксама пра Школу добрых спраў.
![Падвучыліся і адпачылі: адбылася першая Акадэмія Лідараў Залатога Веку](https://uzv.by/wp-content/uploads/2019/06/img_7703-e1561462440629.jpg)
Пра дзейнасць Мінскага ўніверсітэту трэцяга веку расказвала Валянціна Уловіч.
Вынікі працы краязнаўчай секцыі Кобрынскага Універсітэту Залатога Веку прадставіла Ірына Сіманава.
![Падвучыліся і адпачылі: адбылася першая Акадэмія Лідараў Залатога Веку](https://uzv.by/wp-content/uploads/2019/06/img_7694-e1561462609413.jpg)
Студэнтка гарадзенскага УЗВ Тамара Герасіменка вучыла разбіраць і захоўваць хатнія рэчы паводле методыкі КанМары.
“Выкінуць і расхламіць – гэта розныя рэчы”, – кажа Тамара Герасіменка.
“Прыеду да дому і адразу пачну расхламляць рэчы”, – дзеліцца ўражаннямі ад майстар-класа Тамары ўдзельніца з Кобрына Ала Сапяжынская.
Другі дзень Акадэміі пачаўся з наведвання царквы Святога Архангела Міхаіла ў вёсцы Сынкавічы.
![Падвучыліся і адпачылі: адбылася першая Акадэмія Лідараў Залатога Веку](https://uzv.by/wp-content/uploads/2019/06/img_7775-e1561468062800.jpg)
Затым удзельнікі знаёміліся з міжнароднмі і нацыянальнымі ініцыятывамі, скіраванымі на забеспячэнне правоў і інтарэсаў сталых людзей.
Міжнародныя дакументы і інстытуты from Грамадскае аб’яднанне “Цэнтр інфармацыйнай падтрымкі грамадскіх ініцыятыў “Трэці сектар”
Асобны блок праграмы быў прысвечаны ўдасканаленню камунікацыйных уменняў.
![Падвучыліся і адпачылі: адбылася першая Акадэмія Лідараў Залатога Веку](https://uzv.by/wp-content/uploads/2019/06/img_7910-e1561550063581.jpg)
Удзельнікі пазнаёміліся з асновамі эфектыўнай камунікацыі, а затым трэніраваліся карыстацца тэхнікай аргументацыі ўласнай пазіцыі.
Адной з самых важных частак адукацыйнай часткі Акадэміі стаў блок па планаванні сумеснай дзейнасці.
![Падвучыліся і адпачылі: адбылася першая Акадэмія Лідараў Залатога Веку](https://uzv.by/wp-content/uploads/2019/06/img_7983-e1561550701530.jpg)
Ён распачаўся з таго, што кожны ўдзельнік прапанаваў уласныя ідэі таго, што можна было б зрабіць разам, каб палепшыць якасць жыцця сталых людзей.
Гучалі прапановы сумесных фестываляў, вандровак, стажыровак і іншых мерапрыемстваў.
Пасля імправізаванага кірмаша ідэй удзельнікі аб’ядналіся ў пяць груп, кожная з якіх распрацавала канцэпцыю ўласнага сумеснага праекта.
![Падвучыліся і адпачылі: адбылася першая Акадэмія Лідараў Залатога Веку](https://uzv.by/wp-content/uploads/2019/06/img_7994-e1561551311790.jpg)
Так, сябры гарадзенскага УЗВ і сталічнага “Хэсэд-Рахамім” распрацавалі праект па абмену досведам сваёй працы па дапамозе маламабільным сталым людзям, па рэалізацыі іншых дабрачынных, культурніцкіх і адукацыйных ініцыятыў.
![Падвучыліся і адпачылі: адбылася першая Акадэмія Лідараў Залатога Веку](https://uzv.by/wp-content/uploads/2019/06/img_8629-e1561551627453.jpg)
Яшчэ адна група распрацавала канцэпцыю Фестывалю рэгіянальных культур.
![Падвучыліся і адпачылі: адбылася першая Акадэмія Лідараў Залатога Веку](https://uzv.by/wp-content/uploads/2019/06/img_8386-e1561551491680.jpg)
Актывізацыя сталых людзей у сельскай мясцовасці стала мэтай праекту яшчэ адной групы.
![Падвучыліся і адпачылі: адбылася першая Акадэмія Лідараў Залатога Веку](https://uzv.by/wp-content/uploads/2019/06/img_8367-e1561535911396.jpg)
![Падвучыліся і адпачылі: адбылася першая Акадэмія Лідараў Залатога Веку](https://uzv.by/wp-content/uploads/2019/06/img_8014-e1561469689475.jpg)
Вечарам удзельнікаў чакала “Кінаакадэмія” – інтэграцыйнае мерапрыемства, якое дазволіла напоўніцу раскрыць творчыя здольнасці ўсіх сталых лідараў.
Аб’яднаныя ў тры “кінастудыі” удзельнікі атрымалі заданне паказаць 10-хвілінныя ўрыўкі з вядомых кінафільмаў, абыграўшы пры гэтым тэму лідэрства.
![Падвучыліся і адпачылі: адбылася першая Акадэмія Лідараў Залатога Веку](https://uzv.by/wp-content/uploads/2019/06/img_8157-e1561535397388.jpg)
Галоўнай падзеяй заключнага дня працы Акадэміі стала абарона канцэпцый праектаў, распрацаваных удзельнікамі.
![Падвучыліся і адпачылі: адбылася першая Акадэмія Лідараў Залатога Веку](https://uzv.by/wp-content/uploads/2019/06/img_8377-e1561535696572.jpg)
Затым адбылося падсумаванне вынікаў працы Акадэміі. Удзельнікі дзяліліся сваімі меркаваннямі адносна таго, як удасканаліць праграму Акадэміі, вынікамі свайго ўдзелу ў ёй.
![Падвучыліся і адпачылі: адбылася першая Акадэмія Лідараў Залатога Веку](https://uzv.by/wp-content/uploads/2019/06/img_8864-e1561552995463.jpg)
На заканчэнне Акадэміі ўдзельнікаў чакала невялікія фотасесія.
![Падвучыліся і адпачылі: адбылася першая Акадэмія Лідараў Залатога Веку](https://uzv.by/wp-content/uploads/2019/06/img_8457-e1561536290716.jpg)
![Падвучыліся і адпачылі: адбылася першая Акадэмія Лідараў Залатога Веку](https://uzv.by/wp-content/uploads/2019/06/img_8445-e1561536491211.jpg)
![Падвучыліся і адпачылі: адбылася першая Акадэмія Лідараў Залатога Веку](https://uzv.by/wp-content/uploads/2019/06/img_8508-e1561553212121.jpg)
Час, праведзены разам … не хацелася развітвацца.
![Падвучыліся і адпачылі: адбылася першая Акадэмія Лідараў Залатога Веку](https://uzv.by/wp-content/uploads/2019/06/img_8637-e1561536662114.jpg)
![Падвучыліся і адпачылі: адбылася першая Акадэмія Лідараў Залатога Веку](https://uzv.by/wp-content/uploads/2019/06/img_8652-e1561536708972.jpg)
Акадэмія Лідараў Залатога Веку была арганізаваная кааліцыяй “За годнае даўгалецце”, якая аб’дноўвае 8 беларускіх арганізацый і шэраг экспертаў, якія працуюць у сферы паляпшэння якасці жыцця сталых людзей. …
Арганізатары Акадэміі спадзяюцца, што яна стане традыцыйнай і будзе штогод збіраць тых, хто ладзіць адукацыйныя і культурніцкія пляцоўкі для сталых людзей, займаецца адстойваннем іх правоў і інтарэсаў.
Фота і відэа Віялеты Лось
Больш фота глядзіце па спасылцы.