Ніколі раней у гарадах і мястэчках не жыла такая колькасць сталых людзей. Гэта стварае новыя патрабаванні да інфраструктуры і ўсіх іншых аспектаў жыцця мясцовай супольнасці. Кіраванне працэсам перамен патрабуе актыўнага ўдзелу і ўзаемадзеяння самых розных мясцовых дзяржаўных, грамадскіх і прыватных інстытуцый, а таксама саміх сталых людзей. Такой думкі прытрымліваецца Марыта Гервін – прадстаўніца каардынацыйнага цэнтру “Старэнне будучага” з нямецкага горада Арнсберг. Яе выступ быў адным з самых яркіх у час Форуму “Годнае даўгалецце: роўныя магчымасці для ўсіх пакаленняў”.
Дваццаць год таму бурмістр Арнсберга накіраваў 28 тысячам мясцовых жыхароў ва ўзросце 50+ віншаванне з пераходам у другую палову жыцця і задаў пытанне: «Як бы Вам хацелася жыць у сталым узросце?».
На пытанне адгукнулася каля 60% сталых людзей, якія затым бралі актыўны ўдзел у сходах, дыскусіях і іншых сустрэчах па месцы жыхарства, на якім абмярковаліся пытанні забеспячэння годнага даўлалецця жыхароў горада.
За аснову працы былі ўзятыя прыярытэты Глабальнай сеткі гарадоў і супольнасцяў, прыязных да сталых людзей: павага і інтэграцыя, мабільнасць і транспарт, камунікацыя і інфармацыя, дагляд і інш.
Так сфармавалася ідэя, што новай абавязковай задачай мясцовых уладаў павінна стаць распрацоўка канцэпцыі «горада даўгалецця», якая базуецца на рэалізацыі патэнцыялу і актыўным удзеле сталых людзей у жыцці грамадства, на тым, што ніхто не павінен быць адкінуты з жыцця толькі таму, што стаў старым і нямоглым.
У аснове дзейнасці каардынацыйнага цэнтру “Старэнне будучага” ляжаць тры асноўныя ідэі:
- «Муніцыпалітэт заангажаваных грамадзян», дзейнасць якога базуецца на пераразмеркаванні сіл паміж мясцовай супольнасцю, мясцовымі ўладамі і адміністрацыяй.
- Рэалізацыя патэнцыялу на аснове наяўных рэсурсаў і моцных бакоў для дасягнення трох С: самастойнасці, сацыяльнай інтэграванасці, самаадчуванні паспяховасці.
- Супрацоўніцтва ўсіх зацікаўленых бакоў.
Пра тое, што робіцца ў Арнсбергу для рэалізацыі гэтых ідэй, глядзіце ў прэзентацыі Марыты Гервін.
Форум “Годнае даўгалецце: роўныя магчымасці для ўсіх пакаленняў” адбыўся 1-2 кастрычніка ў Мінску і быў арганізаваны кааліцыяй “За годнае даўгалецце”.
Чытайце таксама:
“На гэтым сацыяльным полі працы хопіць усім”. У Мінску праходзіць Форум годнага даўгалецця
Жыць і сталець годна: знаёмім з матэрыяламі Форума “Годнае даўгалецце”
Праект Нацыянальнай стратэгіі “Годнае даўгалецце-2030” быў прадстаўлены ў Мінску
Форум “Годнае даўгалецце”: каментуюць арганізатары і эксперты
Як зрабіць, каб голас сталых людзей быў пачуты: досвед Германіі
Як ўспрымаюць сябе сталыя беларусы і як іх саміх успрымае грамадства?
Удзел сталых людзей у прыняцці рашэнняў: выклікі і практыкі
Адкрытыя магчымасці: адукацыя, культура, бізнес
Сэксуальнасць у сталым веку: давайце размаўляць пра ГЭТА!
Фотасправаздачу з Форума глядзіце тут.
Фота Антона Сурапіна
