Першымі са зместам праекта пазнаёміліся ўдзельнікі Форума “Годнае даўгалецце: роўныя магчымасці для ўсіх пакаленняў”, які адбыўся 1-2 кастрычніка і быў арганізаваны кааліцыяй “За годнае даўгалецце”.
Канцэпцыю праекта стратэгіі прадставіла намесніца начальніка галоўнага ўпраўлення сацыяльнай дапамогі і сацыяльнага абслугоўвання Міністэрства працы Таццяна Фёдарава.
Паводле яе словаў, галоўнай мэтай стратэгіі з’яўляецца фармаванне грамадства для людзей усіх узростаў, стварэнне ўмоваў для найбольш поўнай і эфектыўнай рэалізацыі патэнцыялу сталых людзей, а таксама паляпшэнне якасці іх жыцця.
Праект стратэгіі ўтрымлівае апісанне сямі прыярытэтных задач:
- Забеспячэнне абароны правоў і годнасці сталых людзей, недапушчэнне дыскрымінацыі па прыкмеце ўзроста.
- Стварэнне ўмоваў для сацыяльнай інтэграцыі і ўсебаковага ўдзелу сталых людзей у жыцці грамадства.
- Стымуляванне больш працяглага працоўнага жыцця, адаптацыя рынку працы да патрэбаў сталых людзей, павышэнне ўстойлівасці пенсійнай сістэмы.
- Забеспячэнне магчымасцяў для навучання на працягу ўсяго жыцця.
- Стварэнне ўмоваў для здаровага і бяспечнага жыцця сталых людзей.
- Развіццё сістэмы сацыяльнага абслугоўвання.
- Стварэнне адаптаванай да патрэбаў сталых людзей інфраструктуры.
Па словах Таццяны Фёдаравай, праект Нацыянальнай стратэгіі будзе накіраваны на зацвярджэнне ўрадам ужо ў снежні бягучага года.
Актыўны ўдзел у падрыхтоўцы праекта стратэгіі бралі і сябры кааліцыі “За годнае даўгалецце”.
Фота Антона Сурапіна
Чытайце таксама:
“На гэтым сацыяльным полі працы хопіць усім”. У Мінску праходзіць Форум годнага даўгалецця
Жыць і сталець годна: знаёмім з матэрыяламі Форума “Годнае даўгалецце”
Фотасправаздачу з Форума глядзіце тут.
